نصائح لكل سيده عاوزة تخس

نصائح لكل سيده عاوزة تخس                    

أنتي طبيبه نفسك إذا أردتي خسارة وزنك فاعقدي العزم وتوكلي على الله

- ابدئي يومك دايما بكوب مياه دافئة و يستحسن لو عليها نص ليمونة.

- أو اشربي عصير بقدونس بالليمون على الريق كل يوم وممكن تشربيهم مغلي زي الشاي

- اشربي في اليوم مش اقل من 8 كوبايات مياه أو 2 لتر (على الأقل)

- اشربي 2 كوب شاي اخضر أو قهوة خضراء أو مرمية يوميا

- اشربي مشروب الأعشاب قبل الوجبات (جنزبيل+قرفة+كمون+ليمون+ نعناع ) عشان يحسن من عملية الحرق.

- قللي الدهون خالص و استعمل زيت الزيتون و زيت بذر الكتان (الزيت الحار)

- قللي من السكريات و الحلويات و النشويات و الدقيق في استهلاكك اليومي.

- كتري من البروتين زي البيض و اللحمة و الفراخ المشوية و الزبادي و اللبن الخالي الدسم و الجبنة الفريش و الفول و العدس و الترمس.

- لا تحاولي تشربي المشروبات الغازية ولا المخللات استبدلي أكلك المقلي بمشوي

- كٌلي فاكهة و خضار كتير على مدار اليوم.

- استخدمي خل التفاح و الكركم في أكلك عشان ليهم فوايد صحية كثيرة. وممكن بعد كل وجبه عشان تحرقي الدهون اللي في أكلك ملعقة من خل التفاح على كوب ماء واشربيه بعد الأكل

- قبل ما تنامي كل يوم خدي علبه زبادي واعصري عليها نصف ليمونه وحطي نصف ملعقة قرفه وقلبيهم وكليها كل ليلة قبل النوم بساعة

- كلي لكن لا تحاولي تملاي بطنك بالأكل.. نحن قوم لا نأكل حتى نجوع وإذا أكلنا لا نشبع

- كٌلي شوفان و بذر كتان على الزبادي أو اللبن الخالي الدسم و لو بتتمرن زود جنين القمح عشان غني بالبروتين و الكربوهيدرات و الألياف والاميجا 3